ಪದ್ಯ

ನನ್ನ ಹೊಸ ಬಿಕ್ಕಿದ ಸಾಲುಗಳು


ನನ್ನ ಹೊಸ ಬಿಕ್ಕಿದ ಸಾಲುಗಳಿವು. ಕೆಲಸದ ಒತ್ತಡದಿಂದ ಬ್ಲಾಗ್ ನ್ನು ಸಕಾಲದಲ್ಲಿ ಹೊಸ ಪೋಸ್ಟ್ ಗಳನ್ನು ಹಾಕಲು ಆಗಲಿಲ್ಲ. ಈ ಹೊಸ ಪೋಸ್ಟ್ ಓದಿ ಅಭಿಪ್ರಾಯ ವ್ಯಕ್ತಪಡಿಸಿ.

ಬೆಳಕಿನ ಜಾತ್ರೆಯಲ್ಲಿ
ಕತ್ತಲೆ
ಒಬ್ಬಂಟಿ
**

ತಾವರೆ ಅರಳುವ ಮುನ್ನ
ಸೂರ್ಯನಿಗೆ ಹೇಳಿತಂತೆ
ನೀನಿರುವಷ್ಟು ಹೊತ್ತು
ನಾನು
ಸೂರ್ಯ ಮುಳುಗುವಾಗ
ಹೇಳಿದನಂತೆ
ನೀನಿರುವಷ್ಟೇ ಹೊತ್ತು
ನಾನೂ ಸಹ
****

ಈ ಬೇಸಗೆ
ಮತ್ತಷ್ಟು ಸೆಕೆ
ಅವಳಿಲ್ಲ
ಅವನೂ ಇಲ್ಲ
ಅವಳೂ ಇಲ್ಲ

***
ಬಯಲಲ್ಲಿ ಇದ್ದೂ ಇದ್ದೂ
ಸಾಕಾಗಿದೆ
ಪಡಸಾಲೆಯಲ್ಲಿ ಯಾರೂ
ಇಲ್ಲವೆಂದೇ
ಅಲ್ಲಿಗೆ ಹೋಗಿದ್ದೆ
ಈಗ ಪಡಸಾಲೆಗೆ ಬರುವ ತವಕ
ಇಲ್ಲೂ ಯಾರೂ ಇಲ್ಲ, ಕತ್ತಲೆ
ಕಣ್ಣೂ ಸಹ ತೋರುತ್ತಿಲ್ಲ
**

ಹೂವು ಹೆಣೆದವಳು
ಮಾರಾಟಕ್ಕಿಟ್ಟಳು
ಮುಡಿ ಇಲ್ಲದವಳು
ಕೊಂಡು ಹೋದಳು
ಗುಡಿಯೊಳಗಿನ ದೇವರು ನಗುತ್ತಿದ್ದ
ಇವಳು
ದೇವರ ತಟ್ಟೆಯಲ್ಲಿ ಇಟ್ಟು ಬಿಟ್ಟಳು
ಅರ್ಚಕ ವಿಗ್ರಹದ ಮುಡಿಗೇರಿಸಿದ
ಈಕೆಗೆ ಹೂವನ್ನು ಸ್ವರ್ಗಕ್ಕೆ ಸೇರಿಸಿದ ಭಾವ
ಹೂವಿಗೆ ನರಕದ್ದೇ ನೆನಪು,
ಪರಿಮಳಗಳ ಸಂತೆಯಂಥ ಸ್ವರ್ಗಕ್ಕಿಂತ
**

ಕತ್ತಲೆಯನ್ನು ಸೀಳುವ
ಕಣ್ಣಿಗೂ
ಈಗ ಸುಸ್ತು
**

ಅವಳು ಬಂದಳು
ಎದುರು ನಿಂದು
ಒಲವಿನ ಆಹ್ವಾನ ಕೊಟ್ಟಳು
ಅಚ್ಚರಿ ಎನಿಸಲಿಲ್ಲ
ಸಂತೋಷ ತುಂಬಿ ಬಂತು
ಒಪ್ಪಿಗೆ ಕೊಟ್ಟೆ
ಅಷ್ಟೇ,
ನನ್ನ ಒಲವಿನ ಮಾತು
ಕೇಳಿಸಿಕೊಳ್ಳಲೂ ಆಕೆ
ನಿಲ್ಲಲಿಲ್ಲ
ನಾನೀಗ
ಅವಳ ನಗುವಿನ ನೆರಳನ್ನೇ
ಹಿಂಬಾಲಿಸುತ್ತಿದ್ದೇನೆ
**

ಎಲ್ಲರಿಗೂ
ಮುಕ್ತರಾಗುವ ಬಯಕೆ
ಎಲ್ಲದರಿಂದ
ಬುದ್ಧನಂತೆ
ಅದಕ್ಕೇ ಇನ್ನೂ ಮುಕ್ತರಾಗಬೇಕಾದ
ಬಯಕೆಯ ಪಟ್ಟಿಯನ್ನು
ಅಖೈರುಗೊಳಿಸಿಲ್ಲ
**

ಬುದ್ಧ
ನಗುತ್ತಾ ನಗುತ್ತಾ
ಮೌನದ ಒಳ
ಹೊಕ್ಕುವಾಗ
ಮಾತು ಹೇಳಿತಂತೆ
ನೋಡು, ನೀನು
ನನ್ನನ್ನು ನಿರ್ಲಕ್ಷ್ಯಿಸುತ್ತಿದ್ದೀಯಾ
ಬುದ್ಧ ಪ್ರತಿಯಾಗಿ
ಏನೂ ಹೇಳಲಿಲ್ಲ
ಮತ್ತೊಮ್ಮೆ ನಕ್ಕಿದ
ಮಾತಿಗೆ ಅರ್ಥವಾಯಿತು
ಈತ ಮೌನದ ಮೋಹಿ
**

ಮೌನಕ್ಕೆ ಭಾಷ್ಯ
ಬರೆಯಲು ಹೋದ
ಮಾತಿಗೆ
ಆಯಸ್ಸು ತೀರಿತು
**

Advertisements

4 thoughts on “ನನ್ನ ಹೊಸ ಬಿಕ್ಕಿದ ಸಾಲುಗಳು

  1. ಚೆನ್ನಾಗಿದೆ, ನಾವಡರೇ,
    ಹೂವು ಹೆಣೆದವಳು
    ಮಾರಾಟಕ್ಕಿಟ್ಟಳು
    ಮುಡಿ ಇಲ್ಲದವಳು
    ಕೊಂಡು ಹೋದಳು
    ಗುಡಿಯೊಳಗಿನ ದೇವರು ನಗುತ್ತಿದ್ದ
    ಇವಳು
    ದೇವರ ತಟ್ಟೆಯಲ್ಲಿ ಇಟ್ಟು ಬಿಟ್ಟಳು
    ಅರ್ಚಕ ವಿಗ್ರಹದ ಮುಡಿಗೇರಿಸಿದ
    ಈಕೆಗೆ ಹೂವನ್ನು ಸ್ವರ್ಗಕ್ಕೆ ಸೇರಿಸಿದ ಭಾವ
    ಹೂವಿಗೆ ನರಕದ್ದೇ ನೆನಪು,
    ಪರಿಮಳಗಳ ಸಂತೆಯಂಥ ಸ್ವರ್ಗಕ್ಕಿಂತ
    ಅರ್ಥಪೂರ್ಣವಾದ ಸಾಲುಗಳು.
    ನಮಸ್ಕಾರ,ನನ್ನಿ.

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s