‘ಸಾಂಗತ್ಯ’ ಬ್ಲಾಗ್, ಸಿನಿಮಾ ಅಭಿರುಚಿ ಬೆಳೆಸುವತ್ತ ಕಾರ್ಯೋನ್ಮುಖವಾಗಿದೆ. ಆ ನಿಟ್ಟಿನಲ್ಲಿ ಹೊಸ ಹೊಸತನ್ನು ಕೈಗೊಳ್ಳುತ್ತಿರುವ ಅದು, ತನ್ನ ಗರಿಗೆ ಮತ್ತೊಂದು ಹೊಸತನ್ನು ಸೇರಿಸಿಕೊಂಡಿದೆ. ಅದು ಸಿನಿಮಾ “ಸ್ಕೋಪ್”.

ಒಂದು ಸಿನಿಮಾದ ಕುರಿತ ಕೂಲಂಕಷ ಅಧ್ಯಯನದ ದೃಷ್ಟಿಯಿಂದ ಆರಂಭಿಸಿರುವ ಲೇಖನಮಾಲೆ ಇದು. ಪರಮೇಶ್ ಗುರುಸ್ವಾಮಿ ಸೇರಿದಂತೆ ಹಲವು ಮಂದಿ ಒಂದು ಚಿತ್ರವನ್ನು ವಿವಿಧ ಕೋನಗಳಲ್ಲಿ ಅಧ್ಯಯನ ಮಾಡುವರು. ಸಿನಿಮಾ ಕುರಿತು ತಿಳಿಯಲು ಬಯಸುವ ಮಂದಿಗೆ ಇದೊಂದು ಉತ್ತಮ ಅಂಕಣ.

ಸಿನಿಮಾವನ್ನು ನೋಡುವ ನೆಲೆಗಳು ಅರ್ಥವಾಗುವಂತೆ ಅಕಾಡೆಮಿಕ್ ರೀತಿಯಲ್ಲಿ ನೀಡಿರುವುದು ಉಲ್ಲೇಖನೀಯ. ಒಂದು ಚಿತ್ರದ ಕುರಿತು ಮೂರ್ನಾಲ್ಕು ಕಂತುಗಳಲ್ಲಿ ಬರಹ ಪ್ರಕಟವಾಗುತ್ತಿರುವುದೂ ಸಂತಸದ ಸಂಗತಿಯೇ. ಅಧ್ಯಯನ ದೃಷ್ಟಿಯಿಂದ ಇದು ಸೂಕ್ತ.

ಮೊದಲಿಗೆ ಪರಮೇಶ್ ಗುರುಸ್ವಾಮಿ ಅವರು, ಚೀನಿ ಚಿತ್ರ “ಪೋಸ್ಟ್ ಮ್ಯಾನ್ ಇನ್ ದಿ ಮೌಂಟೇನ್ಸ್” ಕುರಿತು ವಿವರವಾಗಿ ಬರೆದಿದ್ದಾರೆ. ಪರಮೇಶ್ ಅವರು ಒಂದು ಚಿತ್ರವನ್ನು ಭಿನ್ನ ನೆಲೆಗಳಿಂದ ನೋಡಬಲ್ಲ ಚಿತ್ರಜ್ಞರು. ಅದರು ವಿವಿಧ ಅಂಶಗಳನ್ನು ಚರ್ಚೆಗಿಡುವ ಪರಿಯೂ ಅನನ್ಯ. ಒಟ್ಟೂ, ಮತ್ತಷ್ಟು ಹೊಸತಿಗೆ ಸಾಂಗತ್ಯ ಮುಖಾಮುಖಿಯಾಗುತ್ತಿರುವುದು ಒಳ್ಳೆಯ ವಿಚಾರ. ಅಂಕಣದ ಓದಿಗೆ ಭೇಟಿ ಕೊಡಿ..ಸಾಂಗತ್ಯಕ್ಕೆ