ಹಲವು

ಸಹ್ಯಾದ್ರಿ ತಪ್ಪಲಲ್ಲಿ ನಮ್ಮ ಚಿತ್ರೋತ್ಸವ

ನಾವು ನೋಡುವ ದಿನ ನಿಗದಿಯಾಗಿದೆ. ಜತೆಗೆ ಸ್ಥಳವೂ ಸಹ. ಇನ್ನು ಉಳಿದಿರುವುದು ನೀವು ಹೊರಡಲು ನಿರ್ಧರಿಸಬೇಕಷ್ಟೇ.
ಕಳೆದ ನನ್ನ ಬರಹದಲ್ಲಿ ತಿಳಿಸಿದಂತೆಯೇ ನಮ್ಮ ಫಿಲ್ಮ್ ಫೆಸ್ಟಿವಲ್ ಜ. ೩ ಮತ್ತು ೪ ರಂದು ನಿಗದಿಯಾಗಿದೆ. ಸ್ಥಳ ಎಲ್ಲರಿಗೂ ಇಷ್ಟವಾಗುವ ಕುಪ್ಪಳ್ಳಿ.
ಶಿವಮೊಗ್ಗ ಜಿಲ್ಲೆಯ ಕುಪ್ಪಳ್ಳಿಯ ಕವಿಶೈಲ ರಾಷ್ಟ್ರಕವಿ ಕುವೆಂಪು ಹುಟ್ಟಿದ ಸ್ಥಳ. ಅಲ್ಲಿರುವ ಪ್ರಕೃತಿ ಅನನ್ಯ ; ಅದ್ಭುತ. ಕುವೆಂಪು ನಡೆದಾಡಿದ ಪರಿಸರ. ಅಲ್ಲಿ ಕುವೆಂಪು ಟ್ರಸ್ಟ್ ಕಟ್ಟಿದ ಹೇಮಾಂಗಣವಿದೆ. ಅಲ್ಲಿ ನಮ್ಮ ಚಿತ್ರೋತ್ಸವ ನಡೆಸಬೇಕೆಂದಿದ್ದೇವೆ.
ಮೂವತ್ತರಿಂದ ನಲವತ್ತು ಮಂದಿ ಸೇರಿಕೊಳ್ಳೋಣ ಎಂದಿದ್ದೇವೆ. ಪುಟ್ಟದಾದ ಚಿತ್ರೋತ್ಸವವಿದು.
ಕನ್ನಡ ಒಳಗೊಂಡಂತೆ ಸುಮಾರು ಎಂಟು ಚಲನಚಿತ್ರಗಳು ಪ್ರದರ್ಶಿತವಾಗಲಿವೆ. ಬಹಳ ವಿಭಿನ್ನವಾದ ಮತ್ತು ಹಿಡಿಸುವಂಥ ಚಿತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೇವೆ. ಬರೀ ಚಿತ್ರ ನೋಡುವುದಲ್ಲ. ಅದರ ಬಗ್ಗೆ ಚರ್ಚೆ ಇರುತ್ತದೆ. ಅಂದರೆ ಇಲ್ಲಿ ಯಾರೋ ಒಬ್ಬರು ನಿಂತು ಚರ್ಚೆಯನ್ನು ತಮ್ಮ ಕಡೆಗೆ ಬೇಕಾದ ಹಾಗೆ ಅಥವಾ ತಮಗೆ ತೋಚಿದ ಕಡೆಗೆ ಸಾಗುವಂತೆ ಮಾಡುವ ಜಾದೂಗಾರರಿರುವುದಿಲ್ಲ. ನಮ್ಮ ಚಿತ್ರೋತ್ಸವ “ಚಿತ್ರ ನೋಡುವ ಬಗೆಯನ್ನೇ, ಅರ್ಥ ಮಾಡಿಕೊಳ್ಳುವ ನೆಲೆಯನ್ನೇ’ ಕಂಡುಕೊಳ್ಳುವುದಕ್ಕಾಗಿ.
ನಮಗೆ ಚಿತ್ರ ಹೊಸ ಮಾಧ್ಯಮ. ಅದನ್ನು ಅರ್ಥ ಮಾಡಿಕೊಳ್ಳುವ ನೆಲೆ ಬಹಳ ಪರಿಚಿತವಿಲ್ಲ. ಅದರಲ್ಲೂ ಸಂಕೇತಗಳು, ಗೂಢಾರ್ಥಗಳು ಅಥವಾ ಹಲವು ನೆಲೆಗಳಲ್ಲಿ ಅರ್ಥೈಸಬಹುದಾದ ಸಾಧ್ಯತೆ ಇರುವ, ಚಿತ್ರದ ಕಥೆ ನೋಡಿದಂತೆ ಬೆಳೆಯುವ ಮಾದರಿ ತಿಳಿದುಕೊಳ್ಳಬೇಕಿದೆ. ಅಂಥದೊಂದು ಪ್ರಯತ್ನ ಈ ಚಿತ್ರೋತ್ಸವ.
ಇಲ್ಲಿ ಒಂದೆರಡು ದಿಗ್ದರ್ಶಕರನ್ನು ಕರೆಸಲು ಪ್ರಯತ್ನಿಸಲಾಗುತ್ತಿದೆ. ಅದೂ ಅಷ್ಟೇ. ಅವರೂ ನಮ್ಮೊಂದಿಗೆ ನಾವು ತೋರಿಸುವ ಚಿತ್ರಗಳನ್ನು ನೋಡಿ ಅವರು ಅರ್ಥ ಮಾಡಿಕೊಂಡ ಬಗೆಯನ್ನು ಹೇಳಬೇಕು. ಅದಕ್ಕೆ ನಮಗೆ ಅರ್ಥವಾಗಿದ್ದನ್ನು ಹೇಳುತ್ತೇವೆ. ಆಗ ಪರಸ್ಪರ ಕೊಡು-ಕೊಳ್ಳುವಿಕೆ ಮೂಲಕ ನಮಗೆ ಚಿತ್ರ ಅರ್ಥವಾಗಬಹುದು, ನಾವೂ ಬೆಳೆಯಬಹುದು. ಇದು ನಮ್ಮ ಅಂದಾಜು. ನಾವು ಕರೆಯುವ ಅತಿಥಿಗಳಲ್ಲೂ ಅದನ್ನೇ ಬಿನ್ನವಿಸಿಕೊಳ್ಳುತ್ತಿದ್ದೇವೆ.
ಹೀಗೆ ಒಂದು ಚಿತ್ರೋತ್ಸವ ಏರ್ಪಡಿಸಬೇಕೆಂಬುದು ಕೊಡಚಾದ್ರಿಯಲ್ಲಿ ಕಂಡ ಕನಸು. ಈಗ ನೆರವೇರುತ್ತಿದೆ. ವಾದಿರಾಜ್ ಮತ್ತಿತರ ಗೆಳೆಯರು ಇದಕ್ಕೆ ಸಹಕಾರ ನೀಡಿದ್ದಾರೆ. ಬನ್ನಿ, ಎಲ್ಲರೂ ಸೇರಿ ಒಂದಿಷ್ಟು ಚಿತ್ರಗಳನ್ನು ನೋಡೋಣ, ಅರಿಯೋಣ, ನಲಿಯೋಣ.
ಅಂದ ಹಾಗೆ ಚಿತ್ರಗಳ ಮೊದಲ ಪಟ್ಟಿ ಸಿದ್ಧವಾಗಿದೆ. ಎರಡನೇ ಪಟ್ಟಿ ಸಿದ್ಧತೆಗೆ ಚಾಲನೆ ನೀಡಲಾಗಿದೆ. ಸದ್ಯವೇ ಅಂತಿಮಪಟ್ಟಿ ಸಿದ್ಧಗೊಳ್ಳಬಹುದು. ನೀವು ನೋಡಿದ ಒಳ್ಳೆ ಚಿತ್ರಗಳಿದ್ದರೆ ಹೇಳಿ.
ನಾವಡ

Advertisements

11 thoughts on “ಸಹ್ಯಾದ್ರಿ ತಪ್ಪಲಲ್ಲಿ ನಮ್ಮ ಚಿತ್ರೋತ್ಸವ

  1. ನಾವಡರೇ,

    ನೀವು ಯಾವ ಚಿತ್ರಗಳನ್ನ ಪಟ್ಟಿ ಮಾಡಿಕೊಂಡಿದೀರಿ, ಮತ್ತು ಯಾವ್ಯಾವ ಚಿತ್ರಗಳನ್ನ ಪರಿಗಣಿಸಿದ್ದೀರಿ ಅಂತ ಇಲ್ಲಿ ಬರೆದ್ರೆ, ಯಾವ್ದಾದ್ರೂ ಬಿಟ್ಟುಹೋದ ಒಳ್ಳೆಯ ಚಿತ್ರಗಳು ನಮಗೆ ಗೊತ್ತಿದ್ರೆ ನಾವು ಹೇಳಬಹುದು.

  2. ಭಾಗ್ವತ್ರೇ,
    ಸದ್ಯವೇ ಹಾಕ್ತೇನೆ. ನಾವೇನೂ ಫೈನಲ್ ಲಿಸ್ಟ್ ಮಾಡಿಲ್ಲ. ಅಂದಾಜು ಪಟ್ಟಿನಾ ಹಾಕ್ತೀನಿ.
    ಶ್ರೀನಿಧಿ, ಚೇತನಾ ಅವರೇ,
    ಹೆಚ್ಚಿನ ವಿವರಗಳನ್ನು ಸದ್ಯವೇ ನೀಡುತ್ತೇನೆ.
    ಟೀನಾರೇ,
    ಸುಮ್ನೆ ಥ್ಯಾಂಕ್ಯೂ ಹೇಳ್ದಂಗಲ್ಲ. ಬರಬೇಕು. ಮುಂದಿನ ಎಪಿಸೋಡನ್ನ ಹಾಕ್ತೀನಿ.
    ನಾವಡ

  3. ನಾವಡರಿಗೆ

    ನಿಮ್ಮ ಪ್ರಯತ್ನ ಚೆನ್ನಾಗಿದೆ.
    ಅಂದ ಹಾಗೆ ಅಪಾರ ಇತ್ತೀಚಿಗೆ ನನ್ನನ್ನು ಕರೆದುಕೊಂಡು ಹೋಗಿ ಸಾಯುವ ಮೊದಲು ನೋಡಲೇಬೇಕಾದ ನೂರಕ್ಕೂ ಹೆಚ್ಚು ಸಿನೆಮಾಗಳ ಡಿ ವಿ ಡಿ ಕೊಡಿಸಿದ್ದಾರೆ. ನನ್ನ ಬಳಿ ಇವೆ. ನಿಮ್ಮ ಉತ್ಸವ ಬೇಕಾದಲ್ಲಿ ಖಂಡಿತಾ ಕೊಡುತ್ತೇನೆ.

    ನಿಮ್ಮ ಆಯ್ಕೆ ಯಾವುದು ಹೇಳಿ. ನನ್ನಲ್ಲಿದೆಯಾ ನೋಡುತ್ತೇನೆ. ನನ್ನ ಬಳಿ ಇರುವ ಸಿನೆಮಾಗಳದ್ದೂ ನೀವು ಬೇಕೆಂದರೆ ಪಟ್ಟಿ ಕಳಿಸುತ್ತೇನೆ.
    -ಜಿ ಎನ್ ಮೋಹನ್

  4. ಮರುಕೋರಿಕೆ (Pingback): ಏನಾದರೂ ಮಾಡುತಿರು ಅರವಿಂದ, ನೀ ಸುಮ್ಮನಿರಬೇಡ.. « ಅವಧಿ

  5. ಮೋಹನ್ ಸಾರ್,
    ಧನ್ಯವಾದ. ನಿಮ್ಮ ಪಟ್ಟಿ ನೋಡಿ ಪ್ರತಿಕ್ರಿಯಿಸುತ್ತೇನೆ. ಸಹಕಾರ ಹೀಗೇ ಇರಲಿ.
    ಹಾಗೆಯೇ ಸುನಾಥ್ ಮತ್ತು ಅವಧಿಗೆ ಧನ್ಯವಾದ.
    ನಾವಡ

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s