ಪದ್ಯ

ಬಿಕ್ಕಿದ ಸಾಲುಗಳು

ಕಡಲ ಪ್ರೀತಿಸಿದವಳ
ಕಣ್ಣಹನಿಗೆ
ಬೆಲೆಯೇ ಇಲ್ಲ !
***
ಅವಳು
ಮುತ್ತಾಗಬೇಕಾದವಳು
ಕಡಲಿನ ಚಿಪ್ಪಿನೊಳಗೆ
ಸಿಕ್ಕು
ಮೌನವಾಗಿದ್ದಾಳೆ !
***
ಬಾಳ ಮೆರವಣಿಗೆಯಲ್ಲಿ
ಸೇರಿಕೊಂಡವರೆಷ್ಟು ಮಂದಿ
ಸೊಗಸು-ಸಂಭ್ರಮ ತುಂಬಿದವರೆಷ್ಟು ಜನ
ಲೆಕ್ಕಕ್ಕಿಲ್ಲ
ಎಣಿಸಲು ಹೋದಾಗಲೆಲ್ಲಾ
ಲೆಕ್ಕ ತಪ್ಪುತ್ತೇನೆ
***
ಬದುಕಿನ ಅಂಬರದಲ್ಲಿ
ಹಾರುತ್ತಿರುವ ಗಾಳಿಪಟಕ್ಕೆ
ಸಂಬಂಧದ ದಾರ ಅದೆಷ್ಟು ಉದ್ದ
***
ಮೌನಿ
ಆಕೆ
ಕಡ ತಂದ
ಮಾತುಗಳನ್ನಾಡದೇ
ಕುಸಿದು ಬಿದ್ದಳು
ಈಗ ಅವಳ
ಬಗ್ಗೆಯೇ
ಉಳಿದವರೆಲ್ಲಾ
ಮಾತನಾಡುತ್ತಾರೆ !

( ಇವೆಲ್ಲವೂ ಪ್ರತ್ಯೇಕ ಪದ್ಯವಾಗಲು ಹುಟ್ಟಿಕೊಂಡವು. ಆದರೆ ಮಧ್ಯೆಯೇ ಶ್ರುತಿ ಸರಿಮಾಡಿ ಕೊಳ್ಳುವ ಸಂಗೀತಗಾರನ ಸ್ವರದಂತೆ ಬೇರೆ ಬೇರೆಯಾಗಿವೆ.ಮುರಿದು ಬಿದ್ದ ಪದ್ಯಗಳು ಬಿಕ್ಕಿದ ಸಾಲುಗಳಿವು)

Advertisements

9 thoughts on “ಬಿಕ್ಕಿದ ಸಾಲುಗಳು

  1. ಮೌನಿ
    ಆಕೆ
    ಕಡ ತಂದ
    ಮಾತುಗಳನ್ನಾಡದೇ
    ಕುಸಿದು ಬಿದ್ದಳು
    ಈಗ ಅವಳ
    ಬಗ್ಗೆಯೇ
    ಉಳಿದವರೆಲ್ಲಾ
    ಮಾತನಾಡುತ್ತಾರೆ !

    ಈ ಸಾಲುಗಳು ಅದ್ಭುತ. ಮುರಿದು ಬಿದ್ದ ಪದ್ಯಗಳು ಎದ್ದು ನಿ೦ತು ಹೊಸದಾದ ಅರ್ಥ ಹುಟ್ಟುಹಾಕಲು ಪ್ರಯತ್ನಿಸಿದ೦ತಿವೆ.

  2. ನಾವಡರೆ…
    ಸಾಲುಗಳು ಸಂಪೂರ್ಣ ಅರ್ಥ ನೀಡುತ್ತ ಹನಿ ಹನಿಯಾಗಿ ಸೇರಿ ಹರಿಯುತ್ತಿವೆಯಲ್ಲ.
    ಅದ್ಭುತ ಅರ್ಥಗಳಿವೆ ಸಾಲುಗಳಲ್ಲಿ.
    ಹೀಗೆಯೇ ಸಾಲುಗಳ ಹರಿಬಿಡಿ ನಮ್ಮೆಡೆಗೆ, ಓದುತ್ತಿರುತ್ತೇವೆ.

  3. ನಾವಡರೇ,

    ಎಲ್ಲವೂ ಚೆನ್ನಾಗಿವೆ. ನನಗೆ ವಿಶೇಷವಾಗಿ ಕೆಳಗಿನ ಹನಿ ತುಂಬಾ ಇಷ್ಟವಾಯಿತು.

    ಅವಳು
    ಮುತ್ತಾಗಬೇಕಾದವಳು
    ಕಡಲಿನ ಚಿಪ್ಪಿನೊಳಗೆ
    ಸಿಕ್ಕು
    ಮೌನವಾಗಿದ್ದಾಳೆ !

    ಕೊನೆಯ ಹನಿಯಲ್ಲಿರುವ ’ಕಡ ’ ಊರಿನ ನೆನಪು ತಂದಿತು. ’ಕಡ’ ಅನ್ನೋ ಪದ ನಮ್ಮ ಕಡೆ ಜಾಸ್ತಿನೇ ಬಳಕೆಯಾಗುತ್ತೆ.

    ಅಂದಹಾಗೆ, ನಿಮ್ಮನ್ನು ಬ್ಲಾಗಿಗರ ಕೂಟದಲ್ಲಿ ಗುರುತಿಸಲಾಗಲಿಲ್ಲ. ನಿಮ್ಮ ಚಂಡೆಮದ್ದಳೆ ನಂಗೆ ಕೇಳಿಸಲೇ ಇಲ್ಲ 😦

  4. ಮನಸ್ವಿನಿಯವರೇ,
    ಧನ್ಯವಾದ. ಬ್ಲಾಗಿಗರ ಕೂಟದಲ್ಲಿ ನೀವೂ ವನಸುಮದಂತೆಯೇ, ಇದ್ದಿರಿ. ಅದಕ್ಕೆ ಗೊತ್ತಾಗಲಿಲ್ಲ. ಜತೆಗೆ ನನ್ನ ಚಂಡೆಮದ್ದಳೆ ವಾಲ್ಯೂಮ್ ಕಡಿಮೆಯಿತ್ತು.
    ಶ್ರೀ ಯವರ ಪೋಸ್ಟ್ ನಲ್ಲಿ ನಿಮ್ಮ ಪ್ರತಿಕ್ರಿಯೆ ಕಂಡಾಗ ನೀವು ಬಂದದ್ದು ತಿಳಿಯಿತು. ಮತ್ತೊಮ್ಮೆ ಸಿಗೋಣ. ಬ್ಲಾಗ್ ಕಡೆ ಬರ್ತಾ ಇರಿ.
    ನಾವಡ

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s