ಪದ್ಯ

ಸದ್ದು …!

ಮೌನದೊಳಗೆ
ಮಧುರ ಸ್ವರ
ಕುಳಿತು
ಮಾತನಾಡಿಸುವ ಹೊತ್ತು
ಅಂಗಳದಲ್ಲಿ ಮಲ್ಲಿಗೆಯೊಂದು
ಅರಳಿತು ; ಸದ್ದಾಗಲೇ ಇಲ್ಲ !

ಸೂರ್ಯ ಕಂತಿ
ಕೆಂಪು ಹರಡಿ
ತಿಳಿಯಾಗುವಾಗ ಬಾನಿನಲ್ಲಿ
ಚಂದಿರ ನಗುತ್ತಾ ಬಂದ ;
ಆಗಲೂ ಸದ್ದಾಗಲಿಲ್ಲ !

ಮಧುರ ಸ್ಮೃತಿಯ
ಮೆರವಣಿಗೆಯಲ್ಲಿ
ಆನೆ ಅಂಬಾರಿಯ ಮೇಲೆ
ಅವಳು
ಧರಿಸಿದ್ದ ಮೌನದ
ನತ್ತು ಫಳಫಳಿಸುತ್ತಿತ್ತು
ಆಗಲೂ ಅಷ್ಟೇ, ಸದ್ದಾಗಲಿಲ್ಲ !

ಅವನು ಬಂದ
ಅವಳೊಡನೆ ಕುಳಿತ-ಕಲೆತ
ಮೆರವಣಿಗೆ ಅಷ್ಟು ದೂರ
ಸಾಗಿತು
ಜನರ ಸಂತೆ ಹೆಚ್ಚಾಯಿತು
ಬಹುಪರಾಕುಗಳ ಅಬ್ಬರ
ಮುಗಿಲಿಗೆ ಮುಟ್ಟಿತು
ಚಂದಿರ ಗಹಗಹಿಸಿ ನಕ್ಕ
ಜನರೂ ಸುಮ್ಮನಿರಲಿಲ್ಲ
ದನಿಗೂಡಿಸಿದರು
ಕನಸು ಮುರಿದು ಹೋಗುವಾಗ
ಸದ್ದಾಯಿತು ; ಕೇಳಿಸಲೇ ಇಲ್ಲ !

Advertisements

12 thoughts on “ಸದ್ದು …!

  1. ನಾವಡರೆ,
    ಆರಂಭದ ಪ್ರಯತ್ನ ಅನ್ನುತ್ತೀರಿ. ನಿಮ್ಮ ಕವಿತೆಗೆ ಆ ಲೇಬಲ್ಲಿನ ಅವಶ್ಯಕತೆಯೆ ಇಲ್ಲ. ನಾನಂತು ಓದಿ ಫುಲ್ ಖುಶ್! ಇಷ್ಟರತನಕ ನಿಮ್ಮ ಗದ್ಯದ ಹೃದ್ಯತೆಯನ್ನ ಸವಿಯುವುದಾಗಿತ್ತು..ಇನ್ನು ಕವಿತೆಗಳೂ ಬರುತ್ತವೆ ಅಂದಮೇಲೆ ಹೇಳಬೇಕೆ?
    -ಟೀನಾ.

  2. ಟೀನಾರೇ,
    ಏನೇ ಹೇಳಿ. ಕವಿತೆ ವಿಷಯದಲ್ಲಿ ನಿಮ್ಮೆಲ್ಲರ ಮುಂದೆ ನಾನು ಎಲ್.ಬೋರ್ಡ್. ನಿಮ್ಮ ಮೆಚ್ಚುಗೆಗೆ ಧನ್ಯವಾದ. ಪದ್ಯದ ಪ್ರಯತ್ನ ಮುಂದುವರಿಯುತ್ತೆ?!
    ನಾವಡ

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s