var _wau = _wau || [];
_wau.push(["colored", "z7xvyh58yeth", "54o", "ffc20e000000"]);
(function() {var s=document.createElement("script"); s.async=true;
s.src="//widgets.amung.us/colored.js";
document.getElementsByTagName("head")[0].appendChild(s);
})();
ಚೆಂಡೆಮದ್ದಳೆ (೩-೨-೦೮)
ಇವತ್ತಿನ ಬ್ಲಾಗ್ ರಂಗದಲ್ಲಿ ಅರವಿಂದ ನಾವಡರ "ಚೆಂಡೆಮದ್ದಳೆ"ಯಾಟ.. ನಾನು ಸುದ್ದಿ ಜೀವಿ. ನಿತ್ಯವೂ ಸುದ್ದಿ ಬರೆಯುವುದು ನನ್ನ ಕಾಯಕ. ಅದರ ಮಧ್ಯೆ ಆಗಾಗ್ಗೆ ಹೊರಡುವ ಭಾವನೆಗಳ ಮೆರವಣಿಗೆಯ ಸೊಗಸನ್ನು ತುಂಬಿಕೊಳ್ಳಲು ಈ ಬ್ಲಾಗ್ ಅಂತ ಬ್ಲಾಗ್ ರಂಗ ಪ್ರವೇಶಿಸಿರುವ ನಾವಡರ ಚಾಲ್ ಗಳು ವಿಭಿನ್ನ ಮತ್ತು ಸಂವೇದನಾ ಶೀಲ ಲಾಸ್ಯಗಳು.
ಸುತ್ತಲಿನ ಪರಿಸರ ಬದುಕುಗಳನ್ನು ಸೂಕ್ಷ್ಮವಾಗಿ ಗಮನಿಸಿ, ಪದಗಳಲ್ಲಿ ಅನುರಣಿಸುವ ರೀತಿಯೇ ವಿಶಿಷ್ಟವಾಗಿರುತ್ತದೆ. ಇತ್ತೀಚಿನ "ಬೆಳಗ್ಗೆಗಿಂತ ಸಂಜೆಯೇ ವೇಗ" ಕತೆಯಲ್ಲಿ ಟ್ರಾಫಿಕ್, ಬ್ಯುಸಿಯ ನಡುವೆ ಕಳೆದುಕೊಳ್ಳುತ್ತಿರುವ ನಮ್ಮ ಬದುಕಿನ ಬಗ್ಗೆಯೇ ಇತ್ತೀಚೆಗೆ ಅನಿಸಿದ್ದನ್ನ ಪಕ್ಕದ ಮನೆಯ ಪುಟ್ಟಿಯ ಕಣ್ಣಲ್ಲಿ ಕಟ್ಟಿಕೊಟ್ಟಿದ್ದಾರೆ. ಕನಸು ಕರಗಿದ ಬದುಕು ಬರಹದ ಬಾಲಕಾರ್ಮಿಕರು, ಸೂಜಿಗಳದ್ದೇ ಬದುಕು ಬರಹದ ಪುಟ್ಟ ಡಯಾಬಿಟಿಸ್ ಪೀಡಿತರು,ಅವನಿಗೆ ಇವನು ಆಳು ಕತೆಯ ಮಾಲಿಕ, ಕೆಲಸಗಾರ, ಕೆಲಸಗಾರನ ಮಗ ಮತ್ತು ಬಡತನದ ವಿಷವರ್ತುಲದ ಅಪರೂಪದ ನೋಟ, ಕತ್ತಲೆಯ ಗುರುತು ಹೇಳಿ ಲೇಖನದ ಕಳೆದುಹೋದ ಬಾಲ್ಯದ ಮುಗ್ಧ ನೆನಪು... ಎಲ್ಲವೂ ಕಟ್ಟಿಕೊಡುವ ಅನುಭವ ವಿಭಿನ್ನ ರೀತಿಯದು. ನಾವು ದಿನದಿನ ಸಾಗಿದ ದಾರಿಯ ನೂರೆಂಟು ಮಗ್ಗುಲುಗಳನ್ನು ಮನಃಸ್ಪರ್ಶಿಯಾಗಿ ಚಿತ್ರಿಸುವ ಇವರ ಶೈಲಿ ಎಲ್ಲರಿಗೂ ಇಷ್ಟವಾಗುತ್ತದೆ.
ನಾವು ಮತ್ತು ನಮ್ಮವರು, ಬದುಕಿನ ಕೌದಿಗೆ ಬಂಧದ ಚಿತ್ರ, ಸುಕ್ಕಿನ ಮೊಹರು, ಬೊಗಸೆಲೆಕ್ಕದ ಅಪ್ಪ.. ಇತ್ಯಾದಿ ಎಲ್ಲ ಬರಹಗಳೂ ಹೊಸರೀತಿಯ ಸಂವೇದನಗಳ ಹೊಸ ಶಬ್ಧತಾನಗಳಾಗಿ ಇವರ ಚೆಂಡೆಮದ್ದಳೆಯಿಂದ ಹೊಮ್ಮುತ್ತಿವೆ.. ನೋಡಿ
ನಿಮಗೂ ಹೊಸ ವರ್ಷದ ಶುಭಾಶಯಗಳು. ನಿಮ್ಮ ಬ್ಲಾಗಿಗೆ ಮೊದಲ ಭೇಟಿ. ಚೆನ್ನಾಗಿದೆ. ಬರೆಯುತ್ತಿರಿ.