ನಮ್ಮ ಚಿತ್ರೋತ್ಸವ-ಅಂತಿಮ ಕಂತು…
ನಮಸ್ಕಾರ. ಈಗಾಗಲೇ ತಿಳಿಸಿದಂತೆ ಜ. 3 ಮತ್ತು 4 ರಂದು ಕುಪ್ಪಳ್ಳಿಯಲ್ಲಿ ಹಮ್ಮಿಕೊಳ್ಳುತ್ತಿರುವ ಚಿತ್ರೋತ್ಸವಕ್ಕೆ ಉತ್ತಮ ಪ್ರೋತ್ಸಾಹ ಸಿಗುತ್ತಿದೆ. ಅವಧಿಯವರು ಒಂದು ನೋಟ್ ಹಾಕಿ ಪ್ರಶಂಸಿದರು. ಹಾಗೆಯೇ ಹಲವು ಗೆಳೆಯರು ಸಲಹೆಗಳನ್ನು ನೀಡಿದರು. ಕೇಳಿದ್ದಕ್ಕೆ ಒಳ್ಳೆ ಚಿತ್ರಗಳ ಪಟ್ಟಿಯನ್ನೂ ಕೊಟ್ಟರು. ಆ ಪೈಕಿ ಕೆಲವನ್ನೂ ತೆಗೆದುಕೊಳ್ಳುತ್ತಿದ್ದೇವೆ.
ಇದೆಲ್ಲದಕ್ಕಿಂತ ಮೊದಲು ಒಂದನ್ನು ಸ್ಪಷ್ಟಪಡಿಸಬೇಕು. ಈ ಚಿತ್ರೋತ್ಸವದ ಹಿಂದೆ ನಾನೊಬ್ಬನೇ ಇಲ್ಲ. ಮಂಥನದ ವಾದಿರಾಜ್ ಮತ್ತು ಹಲವು ಗೆಳೆಯರು ಇದ್ದಾರೆ. ಚಿತ್ರೋತ್ಸವದಂಥ ಚಟುವಟಿಕೆಗಳಿಗೆಂದೇ ನಮ್ಮ ಗುಂಪಿಗೆ ಇಟ್ಟುಕೊಂಡ ಹೊಸ ಹೆಸರು ‘ಸಾಂಗತ್ಯ’-ಜತೆಗಾಗಿ ನಾಲ್ಕು ಹೆಜ್ಜೆ. ಚಿತ್ರೋತ್ಸವ ನಡೆಸುತ್ತಿರುವುದೂ ‘ಸಾಂಗತ್ಯ’ದ ಮೂಲಕವೇ. ಒಟ್ಟು ಎಂಟು ವಿಭಿನ್ನವಾದ ಚಿತ್ರಗಳನ್ನು ಪ್ರದರ್ಶಿಸಲು ನಿರ್ಧರಿಸಲಾಗಿದೆ. ಅದಕ್ಕಾಗಿ ವ್ಯವಸ್ಥೆಯೂ ಆರಂಭವಾಗಿದೆ. ಮೂವತ್ತರಿಂದ ಮೂವತ್ತೈದು ಮಂದಿಯನ್ನು ತೊಡಗಿಸಿಕೊಳ್ಳೋಣ ಎಂದಿದ್ದೇವೆ.
ಜನವರಿ 3 ರ ಬೆಳಗ್ಗೆ 9 ಕ್ಕೆ ಚಿತ್ರೋತ್ಸವಕ್ಕೆ ಚಾಲನೆ. ನಂತರ ಚಿತ್ರ, ಚರ್ಚೆ, ಅಭಿಪ್ರಾಯ ಮಂಥನವಷ್ಟೇ. ಜ. 4 ರ ಸಂಜೆ 5 ರಷ್ಟೊತ್ತಿಗೆ ನಮ್ಮ ನಮ್ಮ ಊರಿಗೆ ಹೊರಡುವುದು. ಮಾರ್ಗ ಬಹಳ ಸರಳ. ಶಿವಮೊಗ್ಗಕ್ಕೆ ಬಂದು ಅಲ್ಲಿಂದ ತೀರ್ಥಹಳ್ಳಿಗೆ -60 ಕಿ.ಮೀ- ಬರಬೇಕು. ಅಲ್ಲಿಂದ ಕೊಪ್ಪ ಮಾರ್ಗವಾಗಿ ಕುಪ್ಪಳ್ಳಿಗೆ ಬಸ್ ಹಿಡಿಯಬೇಕು. ಗಡಿಕಲ್ಲು ಎಂಬಲ್ಲಿ ಇಳಿದರೆ ಹತ್ತಿರದಲ್ಲೇ ಹೇಮಾಂಗಣ. ಹಸಿರಿನ ಮಧ್ಯೆ ಸುಮಾರು ಎರಡು ಫರ್ಲಾಂಗ್ ನಡೆಯುವುದು ಕಷ್ಟವಾಗದು. ಮಾಹಿತಿಗೆ ಹಾಗೂ ಹೆಸರು ನೋಂದಾಯಿಸಲು ಸುಧೀರ್ ಕುಮಾರ್- 94482 45172, ಮಧುಕರ್-94481 54298. ನನ್ನ ಮೊಬೈಲ್ ಸಂಖ್ಯೆ 93433 81802.
Loading...
ಒಹ್!!!! ಚಲನಚಿತ್ರೋತ್ಸವ in ಕುಪ್ಪಳ್ಳಿ, ನಮ್ಮ ಊರ (ತಿರ್ಥಹಳ್ಳಿ)ಬಳಿ. how exciting. everybody enjoy.
ಮಾಲತಿ ಎಸ್.
malathi S - November 22, 2008 at 7:27 am
ನನ್ನ ಸಲಹೆ…
Danis Tanovic directed…NO MAN’S LAND (Bosnian)
Robero Benigni directed.. LIFE IS BEAUTIFUL (Italian)
ಇವಕ್ಕೆ ಆಸ್ಕರ್ ಬಂದಿದೆ ಎಂಬ ಕಾರಣಕ್ಕಂತೂ ನಾನು ಇವನ್ನು ಶಿಫಾರಸ್ಸು ಮಾಡುತ್ತಿಲ್ಲ. ಎರಡೂ ಚಿತ್ರಗಳು ಯುದ್ಧದ ವಿಷಯವನ್ನು ಹೊಂದಿರವ ಅದ್ಭುತ ಚಿತ್ರಗಳು. ಸಬ್ ಟೈಟಲ್ ಇರುವುದನ್ನು ಖಾತರಿ ಮಾಡಿಕೊಂಡು ತೆಗೆದುಕೊಳ್ಳಿ. ಮೊದಲನೆಯದಂತೂ ಮಾತಿನ ಅವಶ್ಯಕತೆಯೇ ಇಲ್ಲವೆಂಬಂತೆ ಇದೆ. ಆದರೆ ಎರಡನೆಯದಕ್ಕೆ ಭಾಷೆಯದೇ ಮಜಾ. ಒಂದು ಚಿಕ್ಕ ಮಗುವಿಗೆ ಯುದ್ಧವೆಂಬುದು ಯುದ್ಧವೇ ಅಲ್ಲ ಅದೊಂದು ಆಟ ಅಷ್ಟೆ ಎಂಬ ಭ್ರಮೆ ಮೂಡಿಸುವುದು ಅಷ್ಟು ಸುಲಭವಲ್ಲ… ಅಲ್ವೇ?
ಯಾರಾದರೂ ಈ ಚಿತ್ರಗಳನ್ನು ಇಷ್ಟಪಡದಿದ್ದರೆ ನನಗೆ ಹೇಳಿ…
ನವೀನ್ ಹಳೇಮನೆ… ೯೯೦೧೩೯೯೩೧೮
Naveen - November 22, 2008 at 7:42 am
Dear sir
Please visit my blog
http://rishyashringa.blogspot.com/
ಋಷ್ಯಶೃಂಗ - November 22, 2008 at 10:45 am
ಹಾಯ್,
ಏಕತಾನತೆಯ ಬೆಂಗಳೂರಿನ ದಿನಚರಿ ಬೇಸರವಾಗಿದೆ ; ಮನಸ್ಸು ಹೊಸ ಅನುಭವಗಳಿಗಾಗಿ ಕಾತರಿಸುತ್ತಿದೆ, ಅದರಲ್ಲೂ ನಮ್ಮದೇ ಜಿಲ್ಲೆಯ ಹೆಮ್ಮೆಯ ಕವಿಯ ಊರಿನಲ್ಲಿ . . .ಹಸಿರು ಕಾನನದ ಮಧ್ಯೆ . . . ಅವಧಿಯಲ್ಲಿ ನೋಡಿದಾಗಿನಿಂದ ಪಾಲ್ಗೊಳ್ಳಬೇಕೆಂಬ ಆಸೆ, ಆದರೆ ನಿಮ್ಮನ್ನ್ಯಾರನ್ನೂ ಅಷ್ಟೊಂದು ಪರಿಚಯವಿಲ್ಲ . . ಹಾಗೇ ಸಂಕೋಚದಿಂದ 3 ದಿನ ಕಳೆದಿದ್ದಾಯಿತು . . .ನಾನು ಬರಬಹುದಾ?
greeshma - November 24, 2008 at 8:11 am
ಮಾಲತಿ ಮೇಡಂ,
ಆದ್ರೆ ನೀವೂ ಬನ್ನಿ.
ನವೀನ್,
ನಿಜಕ್ಕೂ ಅವೆರಡು ಚಿತ್ರಗಳು ಬಹಳ ಚೆನ್ನಾಗಿವೆ. ಪರಿಗಣಿಸುತ್ತೇವೆ. ಅದರ ಜತೆಗೆ ಅವು ಬಹಳ ಜನಪ್ರಿಯವಾಗಿರುವುದರಿಂದ ಬಹಳಷ್ಟು ಜನ ನೋಡಿರಬಹುದೆಂಬ ಶಂಕೆಯಿದೆ. ಆದರೂ ಗಮನಿಸುತ್ತೇವೆ.
ಋಷ್ಯಶೃಂಗರಿಗೆ ನಮಸ್ಕಾರ.
ಗ್ರೀಷ್ಮಾ ರೇ,
ನಾನೂ ಹೀಗೇ ಮಂಥನದ ಗೆಳೆಯರ ಮಧ್ಯೆ ಸೇರ್ಕೊಂಡಿದ್ದು. ಯಾರೂ ಪರಿಚಯವಿರಲಿಲ್ಲ, ಒಂದು ಶಿಬಿರಕ್ಕೆ ಹೋಗಿ ಮೂಲೆಯಲ್ಲಿ ಕುಳಿತುಕೊಂಡಿದ್ದೆ. ಆಮೇಲೆ ಎಲ್ಲರೂ ಪರಿಚಯವಾದರು. ಹಾಗಾಗಿ ಸಂಕೋಚವೇನೂ ಬೇಡ. ದಯವಿಟ್ಟು ಬನ್ನಿ. ನಮಗೇನಿದ್ದರೂ ಆಸಕ್ತಿಯಷ್ಟೇ ಮುಖ್ಯ.ನಿಮ್ಮ ಬರುವಿಕೆಯ ನಿರೀಕ್ಷೆಯಲ್ಲಿ
ನಾವಡ
navada - November 24, 2008 at 11:09 am
ಓಹ್ಹೋ… ಯಾರೋ ಸಂಕೋಚ ಮಾಡ್ಕೊಳ್ತಿದಾರಲ್ಲ…
ಗ್ರೀಷ್ಮ ಅನ್ನುವವರೇ, ಒಂದ್ಸಾರ್ತಿ ಬಂದು ನೋಡಿ… ಮಂಥನ ಟೀಮ್ ನಂಗೊತ್ತು. ಅವ್ರೆಲ್ರೂ ಫ್ರೆಂಡ್ಲಿ ಆಗಿರ್ತಾರೆ. ಬ್ಲಾಗಿಗರ ಕಡೆಯಿಂದ ನಾವೆಲ್ರೂ ಇದ್ದೇ ಇದ್ದೇವೆ… ನೀವು ಧಾರಾಳವಾಗಿ ಬರಬಹುದು…
chetana chaitanya - November 24, 2008 at 12:42 pm
ನಾವಡ ಅವರೆ ,
ನಿಮ್ಮ ಪ್ರೀತಿ, ವಿಶ್ವಾಸಕ್ಕೆ ತುಂಬ ಥ್ಯಾಂಕ್ಸ್ . . ತುಂಬ ಖುಷಿಯಾಗಿದೆ ನನಗೆ ;ನಾನು, ಮತ್ತೊಬ್ಬ ಸ್ನೇಹಿತರು ಖಂಡಿತಾ ಬರುತ್ತೇವೆ . .ಆದಷ್ಟು ಬೇಗ ನಿಮ್ಮನ್ನು ಕಾಂಟ್ಯಾಕ್ಟ್ ಮಾಡುತ್ತೇನೆ.
ಚೇತನಾರವರೇ, ನಿಮ್ಮ ಪ್ರೀತಿ,ಕಾಳಜಿಗೂ ತುಂಬ ತುಂಬ ಥ್ಯಾಂಕ್ಸ್ . . ಇನ್ ಫ್ಯಾಕ್ಟ್ ನಾನು ನಿಮ್ಮ ಬರಹಗಳನ್ನು ತುಂಬ ಇಷ್ಟಪಡುವ, ಮೆಚ್ಚುವ ಓದುಗಳೂ ಕೂಡಾ. ನಿಮ್ಮ ಭಾಮಿನಿ ಷಟ್ಪದಿ ಪುಸ್ತಕ ಬಿಡುಗಡೆ ಸಮಾರಂಭಕ್ಕೂ ಬಂದಿದ್ದೆ. ಮತ್ತೆ ನಿಮ್ಮನ್ನು ಭೇಟಿಯಾಗುವ ಅವಕಾಶ . . ಮಿಸ್ ಮಾಡಿಕೊಳ್ಳುವುದಿಲ್ಲ.
- ಪ್ರೀತಿಯಿಂದ.
greeshma - November 25, 2008 at 5:18 am
ಗ್ರೀಷ್ಮರೇ,
ಧನ್ಯವಾದ. ದಯವಿಟ್ಟು ಬನ್ನಿ. ನಿಮ್ಮ ನಿರೀಕ್ಷೆಯಲ್ಲಿ
ನಾವಡ
navada - November 25, 2008 at 9:43 am
ನಾವಡರೇ,
The diving bell and the butterfly – ನೋಡಿ. ಸ್ವಲ್ಪ ಇತ್ತೀಚಿನ ಚಿತ್ರ. ನನ್ನ ಬ್ಲಾಗಿನಲ್ಲಿ ಬರೆದಿದ್ದೆ ಹಿಂದೆ. ಹಲವು ಆಯಾಮಗಳಲ್ಲಿ ಇದನ್ನ ವಿಶ್ಲೇಷಿಸಬಹುದು. ಅದು ಮಾನವ ಅಸಹಾಯಕತೆಯ ಅನಾವರಣವಾಗಿಯೂ ಧ್ವನಿಸಬಹುದು, ಮಾನವೀಯ ಸಾಧ್ಯತೆಗಳ ಕುರಿತದ್ದಾಗಿಯೂ ತೋರಬಹುದು. ನಿರ್ದೇಶನ ತುಂಬ ಹೊಸತನದಿಂದ ಕೂಡಿದೆ.
Scent of green Papaya ಕೂಡ ಚೆನ್ನಾಗಿದೆ. ವಸುಧೇಂದ್ರ ಇದರ ಕುರಿತು ದಟ್ಸಕನ್ನಡದಲ್ಲಿ ಬಹಳ ಹಿಂದೆ ಬರೆದಿದ್ದರೆಂದು ನೆನಪು. ವಿಯೆಟ್ನಾಮಿನ ಚಿತ್ರವಿರಬೇಕದು.
Baran – ಇದು ಸ್ವಲ್ಪ ಹೆಸರುವಾಸಿ ಚಿತ್ರ. ಜನ ಆಗಲೆ ನೋಡಿರುವ ಸಾಧ್ಯತೆ ಇದೆ. ಆದ್ರೆ ದೇಶಭಾಷೆಗಳನ್ನು ಮೀರಿ ನಮ್ಮೊಡನೆ ಮಾತನಾಡಬಲ್ಲ ರೊಮ್ಯಾಂಟಿಕ್ ಚಿತ್ರ.
Oriana ಚೆನ್ನಾಗಿದೆ, ಆದ್ರೆ ತುಂಬ ಕಲಾತ್ಮಕ ಚಿತ್ರ. ಬೋರ್ ಬರಿಸಬಹುದು
ಇನ್ನೂ ದೊಡ್ಡ ಪಟ್ಟಿಯಿದೆ. ಆದ್ರೆ ಅವನ್ನೆಲ್ಲ ಹೆಚ್ಚಿನವರು ನೋಡಿರುವ ಸಾಧ್ಯತೆ ಇವೆ.
ಭಾಗ್ವತ್ರು - November 26, 2008 at 5:25 am
ಭಾಗ್ವತ್ರೇ ಧನ್ಯವಾದ.
ನಾನು ನೀವು ಹೇಳಿದ ಮೊದಲ ಚಿತ್ರ ನೋಡಿಲ್ಲ. ಉಳಿದಂತೆ ಸೆಂಟ್ ಆಫ್ ಗ್ರೀನ್ ಪಪಾಯ, ಬರಾನ್ ನೋಡಿದ್ದೇನೆ. ಚೆನ್ನಾಗಿವೆ. ಓರಿಯಾನಾ ನೋಡಬೇಕಷ್ಟೇ. ನಾವು ಒಂದಿಷ್ಟು ಫೈನಲ್ ಮಾಡಿದ್ದೇವೆ. ನಿಮಗೆ ತಿಳಿಸುತ್ತೇನೆ. ಸಹಕರಿಸಿದ್ದಕ್ಕೆ ಧನ್ಯವಾದ.
ನಾವಡ
navada - November 26, 2008 at 12:57 pm
ಓಹ್, ಇದು ಕುಪ್ಪಳ್ಳಿಯಲ್ಲಿ ಇಂಗ್ಲೀಷ್ ಚಿತ್ರೋತ್ಸವ ಆಗೋ ಎಲ್ಲಾ ಲಕ್ಷಣಗಳಿವೆ
ಹೆಸರು ನೋಂದಾಯಿಸಲೇಬೇಕಾ? ಅಥವಾ ಡೈರೆಕ್ಟ್ ಎಂಟ್ರಿ ಕೊಡ್ಬೋದಾ?
ವಿಕಾಸ್ ಹೆಗಡೆ - November 27, 2008 at 1:36 pm
ವಿಕಾಸರೇ,
ಹಾಗೇನಿಲ್ಲ. ನಮ್ಮ “ಕನ್ನಡ ಕಾರ್ಯಕರ್ತ”ರೂ ನೋಡಬೇಕಾದಂಥ ಬೇರೆ ಭಾಷೆಯ ಚಲನಚಿತ್ರಗಳನ್ನು ತೋರಿಸುತ್ತೇವೆ. ಅದರಲ್ಲೂ ಇಂಗ್ಲಿಷ್ ನದ್ದೂ ಒಂದೇ ಚಿತ್ರ. ಉಳಿದದ್ದೆಲ್ಲಾ ಕನ್ನಡದಂತೆಯೇ ಇರುವ ಪುಟ್ಟ ಪುಟ್ಟ ರಾಷ್ಟ್ರಗಳ ಭಾಷೆಯ ಸಮೃದ್ಧ ಚಿತ್ರಗಳು.
ಹೆಸರು ನೋಂದಾಯಿಸಬೇಕು. ಕಾರಣವಿಷ್ಟೇ. ನಿಮಗೆ ಅಡುಗೆ ಮಾಡಿಡಬೇಕಲ್ವೇ…:).
ಜತೆಗೆ ಕುವೆಂಪು ಹೇಳಿದ್ದು ಅನಿಕೇತನವಾಗಬೇಕೆಂದಲ್ಲವೇ? ಅದ್ಕೆ ಈ ತಯಾರಿ !
ನಾವಡ
navada - November 27, 2008 at 1:49 pm
ಒಳ್ಳೆಯ ಅವಕಾಶ… ಬರಲಾಗದ ಪರಿಸ್ಥಿತಿಯೆಂದು ಬೇಸರ.
ನಿಮ್ಮೆಲ್ಲರ ಪ್ರಯತ್ನಕ್ಕೆ ಗುಡ್ ಲಕ್
ಸುಪ್ತದೀಪ್ತಿ - November 28, 2008 at 1:49 am
@ Greeshma
Dont think too much. chale chalo. u will love it.
malathi S
malathi S - November 28, 2008 at 2:21 am
ಸುಪ್ತದೀಪ್ತಿಯವರೇ,
ಹಾರೈಕೆಗೆ ಧನ್ಯವಾದ.
ಮಾಲತಿ ಮೇಡಂ
ಹೇಳಿದಂತೆ ಗ್ರೀಷ್ಮ ಅವರೇ ಹೊರಡಲು ರೆಡಿಯಾಗಿ.ಧನ್ಯವಾದಗಳೊಂದಿಗೆ
ನಾವಡ
navada - November 28, 2008 at 10:34 am
ಅಯ್ಯೊ ನಾನೂ ಬರ್ತೀನಿ! ಜೊತೆಗ್ ಇನ್ನೊಂದಿಬ್ರನ್ನೂ ಕರ್ಕೊಂಡ್ ಬರ್ತೀನಿ, ಈಗಾಗ್ಲೇ ಜನ ಜಾಸ್ತಿ ಆಗಿಲ್ದಿದ್ರೆ! ಸದ್ಯದಲ್ಲೇ ಫೋನಾಯಿಸ್ತೀನಿ ತಮಗೆ:)
ಶ್ರೀ - ಡಿಸೆಂಬರ್ 7, 2008 at 3:23 pm
navadare, nimge mail maaDidde, bounce aagide… naa oornallirlilla, eega nODide! ee sala miss maaDtideeni, mundinasala munchene plan maaDteeni! neevella majjjjaaa maaDi
ಶ್ರೀ - ಡಿಸೆಂಬರ್ 28, 2008 at 9:17 pm