ಅವಳ ಮೌನದ ಹೆಸರು ?
ತುಂಬಿದ ಕಡಲಿನ ಎದುರು
ನಿಂತವಳ ಕಣ್ಣಲ್ಲಿ ಬರಿ ನೀರೇ
ಕ್ಷಣದಲ್ಲೇ ಉಕ್ಕುಕ್ಕಿ ಬರುತ್ತಿವೆ
ಅಲೆಗಳಾಗಿ
ಅವೋ ಮೊದಲೇ ಉಪ್ಪು
ಈಗ ಮತ್ತಷ್ಟು ಉಪ್ಪು
ಜಗದ ಪರಿವೆಯೇ ಇಲ್ಲ
ಕಡಲಿನೊಂದಿಗೆ ಮಾತಿಗಿಳಿದಂತೆ
ತೋರುತ್ತಿದ್ದಾಳೆ
ಆದರೆ ಅದು ಮೌನದ
ಚೌಕಟ್ಟಿನ ಚಿತ್ರ,
ವಾಚ್ಯವೆನಿಸದ ಮಾತು
ಪಿಸುಮಾತೂ ಅಲ್ಲ,
ಉಸಿರಮಾತಿಗೆ
ಇನ್ನೂ ಹೆಸರಿಟ್ಟಿಲ್ಲ
ಅವಳಲ್ಲಿ
ಸೋತ ನಿರಾಶೆಯೂ ಕಾಣಲಿಲ್ಲ
ಬಹುಶಃ ಹೀಗಿರಬೇಕು
ಗೆದ್ದದ್ದನ್ನೆಲ್ಲಾ ಚೆಲ್ಲಿ
ನಿರುಮ್ಮಳವಾಗುತ್ತಿದ್ದಾಳೆ
ಸೋತಳೆಂದು
ಒಪ್ಪಿಕೊಳ್ಳುವ ಕ್ಷಣವಿರಬೇಕು
ಅದಕ್ಕೇ ಅಳುತ್ತಿದ್ದಾಳೆ !
ಅವಳ ಮೌನದ ಚಿಪ್ಪು
ಬಾಯ್ತೆರೆದು ಕುಳಿತಿದೆ
ಸ್ವಾತಿ ಮಳೆಯ
ಮೊದಲ ಹನಿಯಂತೆ
ಆ ಕಡಲಿನ
ಮೊದಲ ಮಾತನ್ನು
ಗಪ್ಪನೆ ಹಿಡಿದು ಮುತ್ತಾಗಿಸಲು
ನಿಷ್ಕರುಣಿ
ಕಡಲು ಸುಮ್ಮನೆ
ಗೂ ಗುಟ್ಟುತ್ತಿದೆ,
ಕಿವಿ ಮುಚ್ಚಬೇಕೆನ್ನುವಷ್ಟು
ಅದಕ್ಕೇ ಅವಳು
ಹೀಗೇ ಅಳುತ್ತಿದ್ದಾಳೆ, ಬಿಕ್ಕಿ ಬಿಕ್ಕಿ
ಅಲೆಗಳು ಮತ್ತೆ ಮತ್ತೆ
ದಡಕ್ಕಪ್ಪಳಿಸುವ ಹಾಗೆ !
Loading...
ನಾವುಡರೇ,
ಕಡಲು ಮತ್ತು ಮೌನ ನಿಮ್ಮ ಫೇವರೆಟ್ ಪ್ರತಿಮೆಗಳೆಂದು ನೀವೇ ಹೇಳಿದ ನೆನಪು.
ಕಡಲಿನ ಮುಂದೆ ನಿಂತ ಅವಳ ಬಿಂಬ ಕಣ್ಣಲ್ಲೇ ಕಟ್ಟಿದಂತಿದೆ. ಹೆಚ್ಚೇನೂ ಹೇಳಲಾರೆ.
ಮಧು
madhu - March 28, 2008 at 1:49 am
ಗೆದ್ದದ್ದನ್ನೆಲ್ಲಾ ಚೆಲ್ಲಿ
ನಿರುಮ್ಮಳವಾಗುತ್ತಿದ್ದಾಳೆ
ಸೋತಳೆಂದು
ಒಪ್ಪಿಕೊಳ್ಳುವ ಕ್ಷಣವಿರಬೇಕು
ಅದಕ್ಕೇ ಅಳುತ್ತಿದ್ದಾಳೆ !
ಅದ್ಭುತ!!!!!!
Shyama - March 28, 2008 at 4:03 am
ಸೋತಳೆಂದು
ಒಪ್ಪಿಕೊಳ್ಳುವ ಕ್ಷಣವಿರಬೇಕು
ಅದಕ್ಕೇ ಅಳುತ್ತಿದ್ದಾಳೆ !
baredu kADisutteeri. heegE kADistiri.
- Chetana
Chakravarty - March 28, 2008 at 5:48 am
ನಾವಡರೆ,
ಬಹಳ feminine ಸಾಲುಗಳು. ಯಾವದೊ ಬೇಸರದ ಮೂಡಿನಲ್ಲಿ ಓದಿದೆ. ಮತ್ತಷ್ಟು ದುಃಖ ಅಮರಿಕೊಂಡುಬಿಟ್ಟಿತು.
ಇನ್ನು ನಿಮ್ಮ ಬ್ರಹ್ಮಚಾರಿಗಳ ಪುಟವನ್ನ ಓದಿಕೊಂಡು ಸೊಲ್ಪ ನಗಬೇಕು! ದಯವಿಟ್ಟು ಒಂದು ಖುಶಿಯ ಕವಿತೆ ಬರೆಯಿರಿ ನೋಡುವ – ನಿಮ್ಮ ಬ್ಲಾಗಿನ ಆರಂಭದಲ್ಲಿರುವ ಮಗುವಿನ (ನಿಮ್ಮದೆಂದುಕೊಂಡಿರುವೆ! ಇಲ್ಲವಾದರೆ ಕ್ಷಮಿಸಿ.) ಮುದ್ದುಮುಖದಷ್ಟೆ ಖುಶಿಕೊಡುವಂಥದು. ಓದುಗಳಾಗಿ ನನ್ನ ಖಾಯಿಶು ಇದು. ಬಾಕಿ ನಿಮಗೆ ಬಿಟ್ಟದ್ದು. ಅಲ್ಲವೊ?
- ಟೀನಾ
Tina - March 28, 2008 at 11:42 am
ಮಧು ಅವರಿಗೆ ಧನ್ಯವಾದ.
ಶ್ಯಾಮಾ ಮತ್ತು ಚಕ್ರವರ್ತಿಯವರಿಗೆ ಬ್ಲಾಗ್ ಗೆ ಭೇಟಿ ನೀಡಿದ್ದಕ್ಕೆ ಮತ್ತು ಅಭಿಪ್ರಾಯಿಸಿದ್ದಕ್ಕೆ ಥ್ಯಾಂಕ್ಸ್.
ಟೀನಾರೇ,
ನಾನೂ ಸಹ ಅಂಥದೊಂದು ದುಃಖದ ಸಂದರ್ಭದಲ್ಲೇ ಬರೆದದ್ದು. ಅದಕ್ಕೇ ಸಾಲುಗಳು ಒದ್ದೆ ಒದ್ದೆಯಾಗಿವೆ. ಖುಷಿ ನೀಡುವ ಕವಿತೆ ಬರೆಯುತ್ತೇನೆ. ಅಂದ ಹಾಗೆ ಮಗುವಿನ ಫೋಟೋ ನನ್ನ ಕಸಿನ್ ರಜನಿಯದ್ದು.
ನಿಮ್ಮ ದುಃಖ ಹೆಚ್ಚಾಗಲು ಕಾರಣವಾಗಿದ್ದಕ್ಕೆ ಸ್ಸಾರಿ.
ನಾವಡ
navada - March 28, 2008 at 12:12 pm
Navada Sahebre, namaskara.
Kannadadalli bareyalagadakke kshme irali.
Ivathu first time nimma blog nodida mele nimmondige kaleda keleve dinagalu nenapagtha ive. Neevu barithira antha gothithu. Adre “Hangama” dalli odidu bitre bere odirlilla.
Iga nimma e aksharada rangoligalanna nodi otte kichchuuuuuu.
Adre suddiya sagarada naduveyu nimma manasina nadigalanna jeevanthavagirisiddiralla hats off.
Brahmachariya putagalanna odtha idre nanu journalismge kalittaga ada nanna anubhavagale anstha ide. Thanks for reminding me all of them
nimma aksharada meravanige ige sagtha irli. betiyagtha irthini.
-Naveen
Naveen - March 28, 2008 at 7:16 pm
ನಾವಡರೇ,
ಟೀನಾನ ಬೇಡಿಕೆಯ ಜೊತೆ ನನ್ನದೂ ಸೇರಿದೆ.
ಕವಿತೆ ಇಷ್ಟವಾಯಿತು. ಕಡಲಿನ ಮೊದಲ ಮಾತನ್ನು ಗಪ್ಪಾಗಿ ಹಿಡಿದು ಮುತ್ತಾಗಿಸುವಂತಿದೆ..
ಪ್ರೀತಿಯಿಂದ
ಸಿಂಧು
Sindhu - March 31, 2008 at 1:49 pm
ಸಿಂಧು ಮೇಡಂ
ಟೀನಾ ಮತ್ತು ನಿಮ್ಮ ಬೇಡಿಕೆಯನ್ನು ಈಡೇರಿಸಲು ಪ್ರಯತ್ನಿಸುತ್ತೇನೆ. ಎಡವಿದರೆ ಮನ್ನಿಸಬೇಕು.
ನಾವಡ
navada - March 31, 2008 at 2:18 pm
ಈ ಸಾಲು, ಆ ಸಾಲು ಎನ್ನುವ ಮಾತೇ ಇಲ್ಲ.
ಪೂರ್ತಿ ಪದ್ಯ ಇಷ್ಟವಾಯಿತು.
ಅದ್ಭುತವಾಗಿದೆ. ಚಿತ್ರಿಕೆಯೇ ವಿಶೇಷವಾಗಿದೆ.
ಮನಸ್ವಿನಿ - March 31, 2008 at 2:41 pm
ಮನಸ್ವಿನಿ
ಥ್ಯಾಂಕ್ಸ್. ಹೀಗೇ ಬರ್ತಾ ಇರಿ.
ನಾವಡ
navada - April 1, 2008 at 9:19 am
ಈ ಕವನ ಬರಿಬೇಕಾದ್ರೆ ‘ಅವಳು’ ಮುಂದೆ ಕೂತ್ಕೊಂಡು ಬಿಕ್ಕುತ್ತಿದ್ಲೇನೋ ಅಂತಾ ಅನ್ಸತ್ತೆ ನೋಡಿ ನಾವಡ್ರೆ. . .
aalap - April 9, 2008 at 12:25 pm